as miñas fotos

Acivro no Castelo

Héctor — Mon, 21 Jun 2010 23:21:16 +0000

acivro sing. masc. Árbore silvestre de follas brillantes, duras e con espiñas nos bordos, flores brancas, froito en forma de baga de cor vermella e madeira de cor clara, dura e pesada.

Marabilloso exemplar de acivro, protexido por lei, situado a beira da igrexa da Virxe do Carmen, no Castelo, en Melide. Nesta ocasión, preferín desenfocar a maior parte da foto deixando so parte dunhas das follas desta árbore enfocada; creando, deste xeito, ou iso intentei, unha gran tranquilidade.

Google Maps + Street View: Igrexa do Castelo, Melide

Saltos

Héctor — Sun, 16 May 2010 22:51:11 +0000

Coma excepción a miña norma habitual de localizar todas as imaxes na súa correcta posición e indicar algunha información a maiores do lugar, neste caso, e para manter a paz do sitio, na medida do posible, vou atender á petición do meu tío Manolo de non revelar a localización deste río Galego.

Lúa case chea

Héctor — Mon, 26 Apr 2010 00:09:50 +0000

Hoxe, logo de saír da taberna do Camiño de Santiago de Burres estaba o ceo tan despexado e cunha lúa imperfecta, pois non estaba chea, que me gustou incluso máis que se estivera chea e non me resistín a buscar ese oco por entre as polas dunha árbore e tomar esta instantánea.

Google Maps: A taberna de Burres.

Ra

Héctor — Tue, 20 Apr 2010 13:01:13 +0000

Despois de moito tempo por mor de problemas na miña cámara dixital e outras desventuras, regreso a carga cunha foto do 2005; polo tanto a escusa do fallo da cámara de fotos non xustifica a demora… esta foto saqueina nunha charca chea de ras, nun merendeiro na Fonte da Pedra.

Google Maps: Fonte da Pedra, Louriçal, Pombal, Portugal

Caronte

Héctor — Wed, 11 Nov 2009 09:35:20 +0000

Xa está ben de tanta foto estranxeira, imos tirar un pouco para a nosa terra. Na entrada do parque escultórico da Torre de Hércules, nunha contorna natural de 47 hectáreas, atópase esta escultura, sobre un pedestal, de Caronte, o barqueiro do río Aqueronte na mitoloxía grega. Este Caronte é obra do escultor ourensán Ramón Conde.

Google Maps + Street View: Escultura de Caronte

Columna de Trajano

Héctor — Tue, 27 Oct 2009 10:47:19 +0000

Esta columna, cun total de 38 metros, 40 toneladas e 4 metros de diámetro, foi ordenada construír polo emperador romano Trajano (18.SET.52 - 09.AGO.117) e rematada de construír 3 anos antes da morte do emperador.
No seu pedestal aparece a orixe do acrónimo SPQR:

SENATVS·POPVLVSQVE·ROMANVS
IMP·CAESARI·DIVI·NERVAE·F·NERVAE
TRAIANO· [...]

Escaleira de Bramante

Héctor — Fri, 23 Oct 2009 09:08:43 +0000

Escaleira de dobre espiral que provoca un efecto que parece nunca acabar. En realidade son dúas escaleiras unha de baixada e outra de subida, pola que, en casos de urxencia, podíase subir a cabalo (sen embargo, esta escaleira permanece pechada aos turistas).

Enlace con máis información.

Enlace con máis fotos doutros fotógrafos.

Big Ben

Héctor — Thu, 22 Oct 2009 07:18:57 +0000

Logo de ver algunha postal similar, eu quixen ter a miña propia versión deste encadre do marabilloso Big Ben de Londres.

Google Maps + Street View: Big Ben

Unha flor azul

Héctor — Thu, 15 Oct 2009 18:02:05 +0000

Por petición pública vou intentar poñer algunhas fotos sen marcos… a ver como resulta. Para empezar esta flor que descoñezo como se chama e que atopei nunha cuneta.

Igrexa en Ponte da Lima

Héctor — Thu, 08 Oct 2009 22:09:44 +0000

Igrexa localizada en Ponte da Lima, a vila máis antiga de Portugal, título acadado no 1125 ao recibir un Foro de mans de Teresa de León.